Kunguyar CODE ta sanar da ayyana Shugabanta, Hamzat Lawal, a matsayin ɗaya daga cikin mambobi biyar da za’a tantance domin karbar kyautar duniya ta CIVICUS ta Nelson Mandela wadda aka fi sani da Graça Machel Innovation Awards a turance.
Kyautar Karramawar ta CIVICUS Nelson Mandela–Graça Machel na zakulo mutane da kungiyoyi ne sa suka nuna bajinta da kirkira wajen Kyakkyawar zamantakewa, tare da kuma Karrrama Darajojin Nelson Mandela, da Garcia Micheal.
A nasu Rukunin Mista Lawal, tare da sauran shugabannin duniya, zasu taimaka wajen ganowa, samarda da kuma bada shawarwarin ayyukan da zasu kawo sauyi a cikin al’ummomi a fadin duniya.
Yayin da yake bayyana jin daɗinsa, Hamzat Lawal ya ce:
“Samun damar kasancewa cikin masu karbar kyautar Nelson Mandela–Graça Machel Innovation Awards babban Abin Alfahari ne.
Yace abubuwan tunawa da ayukka da Mandela da Machel suka bari ya Bashi ƙwarin gwiwa sosai, kuma ya kuduri aniyar ganin wannan tsari ya ɗaga muryoyin da samarda mafita wajen gina adalci da daidaito a duniya.
“Wannan ba kawai wata nasara ba ce, amma wata dama ce mai muhimmanci don inganta kirkira da jaruntaka daga tushe zuwa matakin duniya.”
Nadin Mista Lawal ya nuna tsayayyen kudurinsa na samarda Ayukkan ci gaban Al’ummah da kuma kawo sauyi a harkokin mulki da kuma kyautata shugabanci da karfafa fafutukar sa ga al’ummar da yake ke jagoranta.
Hamzat Lawal shahararren mai fafutukar yaki da cin hanci ne kuma gwarzo, wanda ya kafa Follow The Money, wadda ita ce mafi girma a Afirka a fannin tabbatarda samarda sahihan bayanai a bayyane game da harkar kudaden jama’a.
About The Author
